Head Office

Sun - Thu: 9:30 am - 5:30 pm

Fri: 9:30 am - 3:00 pm

Branch Office

Sun - Thu: 7:30 am - 5 pm

Fri: 7:30 am - 3:00 pm

Closed on Saturdays & public holidays

पर्बतको हातेमालोमा वार्षिक समिक्षा सहित कालिकाको केन्द्र प्रमुख गोष्ठी सम्पन्न

पर्बतको हातेमालोमा वार्षिक समिक्षा सहित कालिकाको केन्द्र प्रमुख गोष्ठी सम्पन्न

कालिका लघुवित्त वित्तीय संस्था लिमिटेडले पर्वत जिल्लाको पैंयु गाउँपालिका वडा नं. ४ स्थित शाखा कार्यालय हातेमालो चोकमा शनिबार केन्द्र प्रमुख उप प्रमुखहरुको वार्षिक कार्यशाला गोष्ठी सम्पन्न गरेको छ ।
हातेमालो बजारमा प्रभातफेरी सहित शुरु भएको कार्यक्रममा कर्मचारीहरुले कर्मचारी प्रतिज्ञा र सदस्यहरुले स्वावलम्बन गाना सहित शुरु गरेका थिए भने संस्थाका हातेमालो शाखा कार्यालयका शाखा प्रबन्धक चन्द्र प्रसाद बस्यालले उपस्थित अतिथि एवं सदस्यहरुलाई स्वागत गर्दै शाखाको हालको अवस्थाको बारेमा जानकारी गराएका थिए ।
कार्यक्रममा सदस्यहरुलाई संस्थाको सेवा सुविधाको बारेमा तथा सदस्यहरुले उठाएका जिज्ञासाहरुको सहजिकरण कर्जा तथा जोखिम व्यवस्थापन विभाग प्रमुख राजेश श्रेष्ठले गरेका थिए ।
संस्थाका सहायक प्रमुख कार्यकारी अधिकृत शिबराम जोशीले कार्यक्रमको उद्देश्य माथि प्रकाश पारेका थिए । सञ्चालक कृष्णकाजी के.सी.ले कार्यक्रम सफलताको शुभकामना दिएका थिए ।
वर्तमान समयमा लघुवित्त वित्तीय संस्थाहरुको अवस्था र संस्थाको आगामी कार्यक्रमहरुको बारेमा प्रमुख कार्यकारी अधिकृत मिनबहाहदुर बोहराले प्रस्तुत पारेका थिए । प्रमुख कार्यकारी अधिकृत बोहराले संस्था र सदस्यहरु बिचको सम्बन्ध अझ राम्रो बनाउनको लागि कार्यक्रम गरिएको र यस आर्थिक वर्षमा ३१ वटा शाखाहरुमा गोष्ठी कार्यक्रम गर्ने योजना रहेको बताए ।
संस्थाका सञ्चालक समिति अध्यक्ष एवं कार्यक्रमका प्रमुख अतिथि कृष्ण खाँणले संस्था नाफामुखी भन्दा सदस्यमुखी भएर आगामी दिनमा अझ सदस्यहरुको लागि सेवा सुविधाहरु विस्तार गर्दै जाने बताउनु भयो । अध्यक्ष खाँणले तत्कालै गोष्ठीमा सदस्यहरुबाट आएका सुझावहरु कार्यान्वयन गर्न तथा नितिगत तहमा पनि कार्य गर्ने बताउँदै संस्थालाई यस अवस्था सम्म पुर्याउन सदस्यहरुले गर्नुभएको सहयोग र मायाको लागि आभार व्यक्त गरेका थिए ।
कार्यक्रममा विशेष अतिथिको रुपमा संस्थाका सञ्चालकहरु कृष्णकाजी के.सी., नित्यानन्द तिवारी, विश्वराज नेपाल र करुणा पोख्रेल, सूचना विभाग प्रमुख अनुप श्रेष्ठ लगायत केन्द्रिय कार्यालयका कर्मचारीहरुको उपस्थिति रहेको थियो ।
शाखामा सक्रिय रहेका ९५ वटा केन्द्रहरु मध्ये उत्कृष्ट चार वटा केन्द्रहरुलाई नगद पुरस्कार सहित पुरस्कृत गरिएको थियो भने संस्थालाई सहयोग गर्ने सदस्यहरुलाई सम्मान पत्र बाट सम्मानित गरेको थियो ।
केन्द्र नं. ८ दिपज्योती कालिका महिला विकास केन्द्रका केन्द्र प्रमुख दुर्गा देबी उपाध्याय को सभाध्यक्षतामा भएको कार्यक्रममा सभाध्यक्षले लघुवित्तले दिएको सेवा सुविधाको भरपुर उपयोग गर्न र आर्थिक रुपमा सवल बन्नको लागि आर्थिक दुरुपयोग नगर्न सल्लाह दिएका थिए । कार्यक्रम योजना तथा अनुगमन विभाग प्रमुख याम प्रसाद अर्यालले सञ्चालन गरेका थिए ।

Notice
Career
Check Mail
Staff Login
Back To Top