Kalika Laghubitta Bittiya Sanstha Ltd.
स्याङ्गजा जिल्ला पुतलीबजार नगरपालिका वडा नंं १०,बरजामा बस्दै आउनुभएको हेमा कुमारी थापा परिश्रमी गर्ने व्यक्ति कहिल्यै असफल हुन सक्दैन भन्ने गतिलो उदाहरणीय बनेकी छन । कालिका लघुवित्त वित्तीय संस्था लि.शाखा कार्यालय बाडखोलामा संचालित केन्द्र नंं २७.०२९ की सदस्य हुनुहुन्छ । उहाँ पहिले सामान्य गृहिणी हुनुहुन्थ्यो र श्रीमानको पनि केही जागिर पेशा नभएको हुँदा आफ्नो दैनिकी कसरी चलाउने भन्ने कुराले सधै पिर लाग्थ्यो । सानो लगानीको खोजिमा आफ्नो दिनचर्यालाई व्यस्त गराउन के गर्ने होला भन्दै चिन्तितमा हुनुहुदोरहेछ । त्यसै क्रममा कालिका लघुवित्त वित्तीय संस्थाले बिना धिता स– सानो कर्जा लगानी गर्छ भन्ने थाहा पाए पछि समुह बनाई सात दिनको तालिममा पश्चात लघुवित्त भनेको के हो र यसले के काम गर्छ र कर्जा तथा वचतको फाइदा सम्बन्धीे कुराको जानकारी लिनुभयो र संस्थामा आबद्ध हुनुभयो । त्यसपछि संस्थाबाट लगानी लिई सानो बंगुरपालन व्यवसाय सुरु गर्नुभयो । विस्तारै आयआर्जनमा पनि वृद्धि हुदै गएपछि लगानी पनि वृद्धि गरी किराना पसल,कुखुरापालन सुन्तला खेति पनि गर्नुभयो र बंगुरपालन व्यवसायलाई बिस्तार गर्दै लानुभयो । उहाँको यस कार्यमा श्रीमानले पनि साथ सहयोग गर्नुभयो । उहाँको यस व्यवसायबाट छोराछोरीलाई राम्रो शिक्षा दिक्षा दिनुको साथै छोराछोरीलाई जागिरमा समेत आवद्ध गराउन सफल हुनु भएको छ । उहाँ अहिले आफुले गरेको व्यवसायप्रति एकदम सन्तुष्टि हुनुहुन्छ । र दैनिक जिवनयापन पनि सजिलै बिताईरहनुभएको छ ।
